...
Zhaina - Нахская библиотека Добавить в ИзбранноеВ закладки Написать редакцииНаписать RSS лентаRSS
логин: пароль:
Регистрация! Забыли пароль?
Библиотека

Поиск
Опрос

Язык
История
Культура
Литература
Родина
Народ


Рассылка

Главная страница » Материалы за 03.06.2007
Дарц
Дарц
Автор: Абузар Айдамиров
Язык: ce
Категория: Литература
Год: 1999
Нохчийн халкъан яздархочун Айдамиров Абузаран кхоллараллехь уггар йоккха меттиг дIалоцу исторически темано. «Дарц» оцу могIарера «Еха буьйсанаш» трилогин кхоалгIа тIаьххьара роман ю.

XX бIешо долалуш, 1901-1913-чуй шерийн билггала мур юкъалоцуш, оцу заманан а, Нохчийчоьнехь, нохчийн къомехь (цу юкъахь - трилогин юьххьехь дуьйна гойтучу Гати-Юьртахь а) долчу хьолан а ма-дарра сурт хIоттадо автора. Ткъа дуьненна а вевзинчу обарган Харачойн Зеламхин чолхе васт дуьззина а, шен ерриг кхоллараллехь санна, исторически бакъдолчаьрца чIагIдеш а гойту Айдамировс; кIорггера синкхетамаллин (психологически) васт ду вайна хьалха, долуш дерг тIерадаккха а, лахдан а, доцург хаздан а, тIедуза а ца гIерташ кхоьллина.

Нохчийчуьра юкъара-политикан хьал, ерриг Россин мехкашкахь болабелла, ткъа 1913 шарна тIекхачале Iедало луьра хьаьшна, цхIана ханна ницкъаца сацийна революцин болам, гонахарчу пачхьалкхашца а, Европехь а паччахьо дIахьо политика гайтарца нохчийн кхоллам кхечу къаьмнех хаьдда а, къаьстина а хила йиш цахилар билгалдоккху романехь.

Пачхьалкхан идеологин бехкамаш бахьанехь а доцуш, хьалхарчу шина романехь автора ша шена хIиттийна гураш трилогин хIокху декъехь дац; книгаешархойх цхьаболчарна мел дезар дацахь а, юкъараллехь цхьа «дари», цхьа хиламаш буьйлалучу муьрашкахь гучуйовлуш йолу нохчийн иэхье амалш ма-ярра гойту Айдамировс. Яздархочо шен синкхетамехь даима а лелийна, цуьнца баьхна дегалазам бу иза.

Кхин цхьа башхалла а хаало романехь - цуьнан мотт. Чолхе боцуш, муьлххачунна а кхета атта мотт хилар - иза исбаьхьаллин тIегIанан уггар лакхара лакхе ю. Мерза, чулацаме даима бара Айдамировн произведенийн мотт, ткъа «Дарц» йоьшуш и лакхе къеггина гур ю хIоранна а.


Выложено: I-XI кортош
© 2005—2015 Нахская библиотека